Personahe ug resources sa PNP, gideploy alang sa disaster response sa tibuok nasud!

NAGDEPLOY ang Philippine National Police kon PNP og mga personahe ug resources alang sa disaster response sa tibuok nasud!
Human sa epekto sa bagyong Inday ug habagat.
Kasamtangang naka-heightened alert status ang tanang pwersa sa Kapulisan sa nasud alang sa gilayong deployment.
Aron matutokan ang search and rescue, road clearing, relief distribution ug uban pang disaster response.
Matud ni PNP Chief Police General Jose Melencio Nartatez Jr., nga pipila sa ihap sa mga personahe nag-assist sa mga LGUs.
Gimandoan ang mga police units nga motabang sa LGUs sa paglimpyo sa mga kadalanan nga nababagan tungod sa baha, landslides, natumba nga punoan sa kahoy ug uban pang debris aron masiguro ang operasyon nga dili madelatar.
Hisayran, 18 ka tawo ang patay samtang 14 ang pabiling missing.
Samtang kapig katunga sa milyon ka tawo ang apektado sa hiniusang epekto sa bagyo ug southwest monsoon.

SOURCE: ABS-CBN NEWS
Photo: Philippine News Agency