Pananom ug kabtangan nga nadamyos sa Malaybalay City nunot sa bagyong inday ug habagat, mikabat sa dul-an 8 million pesos!

DUL-AN 8 million pesos nga pananom ug kabtangan ang nadamyos sa Malaybalay City!
Human sa flash flood ug bug-at nga ulan dala sa bagyong Inday ug habagat.
Kapig 1-thousand ka pamilya ang apektado ug usa ka individual ang patay.
12 ka panimalay ang totally damaged ug 35 partially damaged samtang 280 ka pamilya ang temporaryong mihikling sa temporary shelters.
Matud ni Malaybalay City Disaster Risk Reduction and Management Office kon CDRRMO Head Alan Comiso nga pinaka-apektadong barangay ang Managok, Violeta, Apo Macote, Linabo ug Simaya.
Gidugang ni Comiso nga 173 ka ektarya sa agrikultural land ang gibaha samtang miabot sa 7 million pesos ang damyos sa imprastraktura ug gibana-banang 533-thousand pesos ang nawala sa livestock.
Samtang, unom ka tunghaan ang suspendido ang face-to-face classes tungod sa baha, gilunopan nga classrooms ug landslide-related road closures.

SOURCE: INQUIRER NET
Photo: Inquirer.net