Pagtabang sa sektor nga apektado sa pagtaas sa presyo sa produktong petrolyo, gitun-an sa Malacañang!
GITUN-AN sa gobyerno ang posibleng pamaagi sa pagtabang sa mga sektor nga apektado sa pagtaas sa presyo sa produktong petrolyo!
Nunot sa nagpadayong kagubot sa Middle East.
Matud ni Presidential Communications Office kon PCO Undersecretary Atty. Claire Castro nga nagtinguha si President Bongbong Marcos Jr., nga walay mabyaan, kinahanglang matabangan ang tanan sa eksakto ug balanseng pamaagi.
Gibutyag usab ni Castro nga kasamtangang girepaso ang hangyo sa transport group nga Pasang Masda nga ibalik ang dugang 1 piso minimum fare increase nga gisuspenso niadtong Marso.
SOURCE: GMA NEWS
Photo: BR
