Finland, nagtanyag og libreng 4-day trip alang sa mga “single nga ready to mingle” gikan sa nagkalain-laing nasud!
NAGTANYAG ang Finland og libreng four-day trip sa 16 ka individual nga single nga naglaum nga makakita og gugma!
Gikan sa nagkalain-laing nasud.
Pinaagi sa programang “Finnish Dinner Date” sa Visit Finland, usahon ang mga mosalmot sa mga blinde date nga adunay kaubang special dinner ug pagtilaw sa nagkalain-laing lokal nga putahe.
Ipahigayon ang aktibidad sa Helsinki ug Tampere sugod Pebrero 9 hangtod 19, 2027.
Walo ka partisipante gikan sa nagkalain-laing nasud ang pili-on sa matag destinasyon, nga makauban ang duha ka local single sa Finland.
Tubagon sa tourism board ang tanang gastoson sa byahe ug mga aktibidad sulod sa upat ka adlaw.
Mahimong mosalmot ang mga single nga nag-edad og 18 pataas pinaagi sa paghimo og introduction video kabahin sa pagkaon nga I-serve sa usa ka dinner date ug ang rason niini.
I-post ang video sa Instagram, Tiktok o Youtube gamit ang hashtag nga #FinnsihDinnerDate.
Hangtod Nobyembre 10, 2026 lamang ang pagsumiter sa aplikasyon samtang Disyembre 1 I-anunsyo ang mapili.
SOURCE: PHILSTAR
PHOTO: Visit Finland
