Multang 500-thousand US dollar, gipahamtang sa NBA batok Jazz!
GIPAHAMTANGAN sa NBA og multang 500-thousand US dollar ang Utah Jazz!
Tungod sa conduct detrimental sa liga.
Nag-ugat ang multa atol sa dula sa Utah batok Orlando Magic niadtong Pebrero 7 ug matchup batok Miami Heat niadtong Pebrero 9, diin wala gipadula sa team ang duha ka forward nga silang Lauri Markkanen ug Jaren Jackson Jr., sa tibuok fourth quarter.
Matud sa NBA nga ang resulta sa dula kadudahan tungod ang susamang matchups gidesisyonan pinaagi sa combined seven points.
Una nang gipasabot sa Jazz nga mopailawom si Jackson og surgery tungod sa injury sa wala nga tuhod hinungdan nga dili kini makadula sa nabiling dula sa season.
Samtang, lakip sa gimultahan sa liga ang Indiana Pacers nga balor 100-thousand US dollar tungod sa paglapas sa participation policy sa liga.
SOURCE: GMA NEWS
PHOTO: GMA NEWS
