Trump nagpasidaan batok sa pagbalik ni Al Maliki isip primo ministro sa Iraq!
NAGPASIDAAN si US President Donald Trump sa Iraq!
Kabahin sa pagbalik ni Nouri Al Maliki isip primo ministro sa nasud.
Matud ni Trump nga dili angayng kalimtan sa katawhan nga ang nasud nalubong sa kakabus ug kagubot ilawom sa kanhing pagdumala ni Al Maliki.
Tungod sa dili maayong palisiya ug ideolohiya.
Kung subling modaog si Al Maliki, dili na motabang ang Amerika sa Iraq.
Matud ni Trump nga kung wala mitabang ang Amerika , walay tyansa nga molambo, o mahimong gawasnon ang Iraq.
Dumdoman, kanhing leader si Al-Maliki sa Islamic Dawa Party, nga kanhing nagsilbi sulod sa duha ka sunod-sunod nga termino isip primo ministro sa Iraq sugod 2006 hangtod 2014.
Hisayran, gi-nominate ang kanhing primo ministro sa Shia Coordination Framework- nga naghupot sa mayorya sa parliamento.
SOURCE: CNN NEWS
Photo: Bombo Radyo News
