Pipila ka dalan sa ciudad i-totally closed sa RTA sugod Enero 8 alayon sa kapistahan sa itom nga Nazareno!
I-TOTALLY closed sa Roads Traffic and Administrations kon RTA ang dalan portion sa Capistrano, palibot sa Gaston park paingon sa Fernandez Street, ug portion sa Rizal street!
Sugod alas 6 sa buntag sa Enero 8 hangtod Enero 9, ning tuiga.
Alayon sa Traslacion 2026 nunot sa kapistahan sa itom nga Nazareno.
Matud ni RTA Head Engr. Nonito Oclarit nga dili na tugotan sa buhatan nga adunay makasulod nga mga sakyanan sa nasangpit nga dalan sugod sa Petsa 8 gawas lamang sa mga sakyanan nga mopauli sa pinuy-anan sa mga Obispo.
Nagtinguha nga malikayan nga ma-parkingan sa mga sakyanan.
“..total close nato ang dalan portion sa Capistrano naa sa palibot sa Gaston Park paingon sa Fernandez Street portion sa Rizal Street. Kana siya dili nato tugutan nga dunay makasulod nga salakyan except lang sa sakyanan nga mo pauli diha sa Palace House siguro diha sa puy-anan sa Arsobispo naa man silay parkinganan diha sa sulod. Kana nga panahon magsugod sa sayo sa buntag pa sa petsa otso, atong gibutang diha 6AM pero among gi sibog pa sa sayo pa ana nga panahon, ang katuyuan para nga wala’y maka parking nga salakyan diha sa sulod. Ato na siyang gi anticipate tungod kay sigurado daghan mga kaigsuonan, mga devotees nga mo paingon gyud, mo anha nianang lugara tungod kay ang vigil sa Black Nazarene wala naman siyay curfew, karon tuloy-tuloy nani siya hangtud sa buntag..”
RTA Head Engr. Nonito Oclarit
SOURCE: SRLIVE
Photo: SR Files
