Cease and desist order batok waste transfer station, nadawat sa Barangay Pagatpat!

GIKUMPIRMAR ni Barangay Pagatpat Kapitan Achilles “Gogoy” Babaran nga nadawat niini ang cease and desist order gikan sa Department of Environment and Natural Resources kon DENR-10!
Nagmando sa lokal nga pangagamhanan sa ciudad sa pagpahunong sa operasyon sa waste transfer facility sa Zone 3, Pagatpat.
Human wala nakasunod ang dakbayan sa mga gikinahanglang environmental requirements sa buhatan.
Matud ni Babaran nga hingusgan niini ang pagpahigayon og public consultation kalabot sa paghimo sa barangay og transfer station taliwala nga una nang miinsister si CLENRO Head Engr. Armen Cuenca nga dili na kini kinahanglan.

“..ako pod silang gi-ask to have the public consultation sa atong nga palibot kay I receive man sa atong Clenro nga dili na daw, pwede na nga dili. Pero sa ako nga part labi na kay naa naman gyud mga existing no makita man ang posisyon sa mga tao, tungod sa langaw, basura, at the same time ang traffic ay it causes traffic kanang ilang mga dagkong nga truck sa dalan man ipa-park, nagka-one way na atong Pagatpat San Simon kana siya nga mga scenario atong gina kuan…”
Barangay Pagatpat Kapitan Achilles “Gogoy” Babaran

Gipamugos usab sa Kapitan nga supak kini sa sugyot ni Councilor Jonjon Rodriguez nga himuong labayanan og basura ang barangay.

“…Yes, as well as the plan of Honorable Councilor JonJon Rodriguez ang Pagatpat iyang pagahimuon nga basura station sa District 1. Yes, ako nang pagababagan, ako nang kampanyahan nga di kita mahimong basurahan kay gani sa previous administration wala man nadayon ang basurahan diri kay nakita man nga ang mao nga property duol sa creek sa Calaanan so didto magkasumpay ang kilid ana og imong butngan og basura didto gihapon padulong sa creek ang maong basura and ang area is bukid dili siya possible mahimong basurahan…”
Barangay Pagatpat Kapitan Achilles “Gogoy” Babaran

SOURCE: #27
Photo: Gogoy Babaran