Patrolman nga nadistino sa Camiguin, gitudlong suspek sa pagpusil-patay sa usa ka driver ug pasahero sa van sa Talisayan, Misamis Oriental!

GITUMBOK nga suspek sa pagpamusil-patay sa usa ka driver ug pasahero sa van sa Talisayan, Misamis Oriental ang usa ka Patrolman!
Residente sa Iligan City ang pulis apan na-destino sa Camiguin.
Base kini sa mga ebidensya gikan sa CCTV footages ug statement sa mga witness.
Matud ni Misamis Oriental Police Provincial Office kon Mis. Or PPO Spokesperson Police Captain Geraldine Botanas nga adunay personal nga panaglalis ang driver ug ang suspek.
Giingong gigamit sa pulis sa pagpamusil ang isyung armas.
Posible’ng atubangon sa suspek ang 2 counts of murder, frustrated murder ug kasong administratibo.
Naka-kustodiya na karon sa Camiguin PPO ang gitudlong suspek.

“..posible no mag-atubang siya sa criminal case nga two counts of murder ug frustrated murder. Once nga ang PNP personnel ang maka commit og any criminal mosunod dayon ang kaso administratibo. Padayon paman ta sa atong imbestigasyon. And then ang iyaha pong armas is in custody na didto sa Camiguin, so ato pa sad i-process for any ballistic test or any nga mga test na gihatag ato nga firearm test. Base sa ilang report, dunay silay arguments between atong driver sa van…”
Mis. Or PPO Spokesperson Police Captain Geraldine Botanas.

SOURCE: SHV
Photo: SR Files