Basura nga gaka-kolekta matag adlaw, nagsugod na’g kadaghan nunot sa nagsingabot nga holiday season!

NAGSUGOD na’g kadaghan ang basura nga gakaloketa sa ciudad matag adlaw!
Nunot sa nagkaduol nga holiday season.
Matud ni CLENRO Head Engr. Armen Cuenca nga gikan sa 900-1 thousand cubic meter sa normal days, misaka na kini ngadto 1, 200 cubic meter per day.

“..ug gasugod na gyud og increase ang atong collection labi na sa bulan sa October report nga atong ma consolidate. Nidagan na og almost 1,200 cubic meter per day ing-ana siya kadaghan ug kani siya expected mosamot pa gyud labi na kay pasko na daghan na kaayo mamaligyaay bisan pa dinhi sa atong kadalanan, labi na sab ang celebration nga pagahimuon sa atong katawhan..”
CLENRO Head Engr. Armen Cuenca

Gani, kinahanglan sa ciudad og dugang garbage truck ug augmentation sa personnel sa nagsingabot nga holiday season tungod sa gilaumang pagdaghan sa basura ug pag-minus sa IPM personnel nga mag-selebrar ug pasko ug bag-ong tuig.

“..kinahanglan gyud nga naay augmentation labi na kining holiday daghan ang magbakasyon nga empleyado sa IPM. And daghan pod dili na mutunga kay mag-celebrate sa pasko ug new year dapat naay contingency plan nga pagahimuon aron mapreparahan labi na gyud sa celebration sa Christmas ug sa New Year. Apil ang truck kailangang dugangan kini karon gani nga 1,200 cubic meter per day naa pa gyu’y daghan wala na-kolekta so there’s a need gyud nga madugangan ang truck nga paka-kargahan..”
CLENRO Head Engr. Armen Cuenca

SOURCE: P.I/#14

Photo : Whats Up CDO
Published by Jam Cutamora Saba