Biyahedor gipahimangnoan sa LTO-10 nga sigurohon nga dili colorum ang masakyang PUV!
NAGPAHIMANGNO ang Land Transportation Office kon LTO-10 sa mga biyahedor nga sigurohong dili colorum ang masakyang PUV!
Atol sa pagpatuman sa Oplan Biyaheng Ayos Undas 2026 sa mga terminal.
Matud ni LTO-10 Traffic Enforcement Division Team Leader Amenodeng Camsarie nga susihon nga adunay eksakto nga dokumento ang masakyan aron masiguro ang kaluwasan.
Samtang, gisiguro usab sa buhatan nga ma-monitor ang mga sakyanan nga posibleng magdala og risgo sa mga commuter.
“..Pahimangno sa mga manakayay nga mga pasahero. Isigurado pod Ninyo ang inyong sakyan, dili mo mosakay sa colorum ug walay rehistro, walay klaro diri gyud mo naay saktong papel nga mga vehicle. Kato pod mga kaigsuonan nato nga naay mga kaugalingon sakyanan nga paingon sa ilang kaparentihan, isihurado pod ninyo ang inyong sakyanan nga sakto ang inyong papel kay naa man gyapon mi sa dalan, mo-inspection pod mi sa dalan, private or for hire nga sakyanan amo gyud ng inspection..”
LTO-10 Traffic Enforcement Division Team Leader Amenodeng Camsarie
SOURCE:#16
PHOTO: PIA
