Klase sa Lapasan National high school, mibalik na karong adlawa!
MIBALIK na ang klase sa Lapasan National High School karong adlawa!
Human gilangkat ni Barangay Lapasan Kapitan Julito Ogsimer ang temporaryong pagsuspenso sa klase kagahapong adlawa.
Gihimo ang desisyon human nakumpleto ang initial investigation mahitungod sa hulga nga nagkatag sa social media.
Base sa findings sa imbestigasyon ug rekomendasyon sa Philippine National Police kon PNP ug ubang concerned authorities nga walay “verified imminent threat” nga maka-justify padayong pagsuspenso sa klase.
Nagpasalamat si Ogsimer sa PNP, school administration, magtutudlo, ginikanan, magtutungha ug sa tibuok komunidad sa ilang pagbinantayon, kooperasyon ug suporta atol sa imbestigasyon.
Photo: Bag-ong Lapasan
