Road widening sa Mastersons Avenue, planong ipatuman sa DPWH sa 2027!

GIPASABOT ni DPWH Cagayan de Oro City 1st District Engr. Anna Lee Manzano ang median o center island sa Masterson Highway-Lumbia!
Matud ni Manzano nga tungod sa kahuot sa trapik sa lugar usa sa nakita nga solusyon ang center island aron ma-regulate ang mga motorsiklista kung asa lamang mahimong mag-left turn o right turn.

“..regarding sa construction sa median actually tungod na sa ka traffic dinhang dapita mao na nga isa sa solution mag-provide og median para ma-regulate na katong asa lang sila mo left turn, asa mo right turn, dili nga kung asa lang sila gusto moliko sila, mo left, mo right..”
DPWH Cagayan de Oro City 1st District Engr. Anna Lee Manzano

Gibutyag usab ni Manzano nga target sa buhatan nga mapatuman ang road widening sa nahisgotang dalan sa 2027 nga nagkantidad og 70 million pesos matag usa.

“..Pag-scheduling na lang namo, ang pondo di man pod nga madungan pod kay kung daghanan pod nato siya’g pondo at the same time ang mahitabo mo traffic pod og samot. So base sa 2027 naay duha ka-project nga mo-go na dinha dapita. Amo nana siyang i widen kay nasababot naman pod ni didto sa council, nag-meeting man gyud me with other stakeholders didto sa council, ni commit man sila nga mohatag pod sila og additional lane, mo-allow sila sa amoa nga mo-semento. Then ang kanang median taman lang siya, dayon later on pag ma-widen na namo ayha pami mo tiwas na pod og dugang, gihulat na lang namo ang pondo. So sa 2027 naa nami gi-butang diha unya pero dili lang gyud namo siya mapa-daghan kay di namo madungang tanan kay ma-traffic naman gud pod siya. Kanang taas-taas man gyud na siya kung gikan ka sa ubos pero naa nami, gipang-request na namo duha ka tag 70 milyon..”
DPWH Cagayan de Oro City 1st District Engr. Anna Lee Manzano

SOURCE: #16
Photo: SR Files