PNP nanawagan sa mga ginikanan ug magtutudlo nga monitoron ang online activity sa mga bata human ang Tacloban shooting!
NANAWAGAN ang Philippine National Police kon PNP sa mga ginikanan ug magtutudlo nga monitoron ang paggamit sa mga bata sa social media ug gadgets!
Human ang fatal shooting incident sa San Jose National High School, Tacloban City.
Matud ni PNP Chief Police General Jose Melencio Nartatez Jr., nga nagsilbong first line of defense ang ginikanan ug guardians.
Kinahanglan nga magbinantayon ang mga nasangpit sa digital lives sa ilang mga anak.
Tratuhon ang ilang online activity sa susamang level of concern sa ilang physical nga gikahimutangan.
Nanawagan usab ang kapulisan sa mga magtutudlo ug school administrators nga mahimong nilang partner sa “digital watch”.
Subay ang lakang sa direktiba ni President Ferdinand Marcos Jr., ug DILG Secretary Jonvic Remulla nga pakusgan ang community-based prevention measures ug palambuon ang sayo nga pag-detect sa youth-related violence indicators.
Samtang, nanawagan ang Council for the Welfare of Children kon CWC og mas hugot nga kaluwasan sa tunghaan ug child protection mechanisms.
Nunot sa school shooting incident sa Tacloban City ug insidente sa pagpangdunggab sa Cavite.
Hugot nga gikondenar sa CWC ug gikabalak-an ang bayolenteng panghitabo sa tunghaan.
SOURCE: GMA NEWS
PHOTO: Philstar
