Regular working hours sa City Hall, ibalik na sugod karong adlawa!
IBALIK na sa lokal nga pangagamhanan sa Cagayan de Oro ang regular working hours sa tagsa-tagsa ka buhatan!
Sugod karong adlawa balik na sa alas 8 sa buntag hangtud alas 5 sa hapon ang trabaho, Lunes hangtud Biyernes.
Matud ni Mayor Rolando Uy nga usa sa rason niini ang pagbukas sa klase.
Diin hatagan sa higayon ang mga ginikanan sa pagkuha sa ilang mga anak sa tunghaan.
“..Sugod karong adlawa June 1 ibalik nato ang regular nga trabaho sa atong tagsa-tagsa ka buhatan gikan alas 8 hangtud alas 5 ang regular, tungod sa, dili na kaayo o naanad na ang mga katawhan sa problema, ikaduha, tungod usab sa pagbukas sa klase, ang mga ginikanan nga magpaabot maghulat sa ilang mga anak o mo kuha sa ilang mga anak, aduna pay oras nga mo kuha sa ilang mga anak nga dili maka balda sa pagkuha sa ilang mga anak sa matag tunghaan, nasabtan na ninyo, mao nay tuyo nato noh so gisabot nako ang usa ka bata nga nagkinahanglan sa ilang ginikanan sa pagkuha sa skwelahan kay wala nay lain mo kuha sa ilang mga bata atol sa ting buhi sa maong pag skwela..”
Mayor Rolando Uy
SOURCE: CIO
PHOTO: CIO
