FPRRD trial sa ICC, gitakda Nobyembre 30!

PORMAL nang gitakda sa International Criminal Court kon ICC Trial Chamber lll ang pagsugod sa trial sa crimes against humanity case ni former President Rodrigo Duterte sa umaabot Nobyembre 30!
Human sa gipahigayong status conference kagahapong adlawa aron hisgotan ang pipila ka issue nga adunay kalabotan sa pagpangandam sa trial.
Gitahasan ni ICC Trial Chamber III Presiding Judge Joannna Korner ang tulo ka accredited experts nga misusi kang Duterte sa confirmation proceedings nga magpahigayon og bag-ong assessment kabahin sa trial fitness sa kanhing Presidente.
Matud ni Korner nga kinahanglan nga hulaton ang resulta sa subling pagsusi sa panglawas ni Duterte..

“…Right, as regards, first of all, to the decisions we’ve come to the start of trial we are prepared to accede to the prosecution’s application of the 30th of November as the start of trial. The trial will run on a daily basis until the judicial recess. We have to wait for the report on the accused’s fitness, and they will specifically be asked to, if they find him fit to stand trial…”
ICC Trial Chamber lll Presiding Judge Joannna Korner

Samtang 60 hangtod 70 ka expert witness ang planong i-atubang sa prosecution sa gitakdang trial sa kanhing Presidente.
Lakip ang 31 ka insider witness.
Nagpasidaan usab si Korner nga kinahanglang dili magbalik-balik ang isulti sa mga testigo.
Giingong angayan nga limitaran ang katas-on sa ilang presentasyon.
Gihatagan ang prosecution hangtod Agosto 24, aron magsumiter og list of witnesses.

SOURCE: NEWS5
Photo: BR