Dry run sa “No Left Turn” Policy, ipatuman Pebrero 5!

GIKUMPIRMAR ni Mayor Rolando “Klarex” Uy nga ipatuman ang dry run sa “No Left Turn” policy sa Masterson Avenue-Vamenta Boulevard junction umaabot Pebrero 5!
Ani-a ang traffic scheme sa mosunod;
NO LEFT TURN – Eastbound sa Masterson Avenue paingon Vamenta Boulevard gikan ala-6:00 sa buntag hangtud alas-9:00 sa buntag, ug alas-3:00 sa hapon hangtud ala-7:00 sa gabii, Lunes hangtud Sabado, gawas sa holidays.
NO LEFT TURN – Southbound sa Vamenta Boulevard paingon Kagay-an Bridge gikan ala-6:00 hangtud alas-9:00 sa buntag, ug alas-3:00 sa hapon hangtud ala-7:00 sa gabii, Lunes hangtud Sabado, gawas sa holidays.
NO LEFT TURN – Eastbound sa Concordio Diel Street padulong Villarin Street, gikan alas 6:00 hangtud alas-9:00 sa buntag, Lunes hangtud Biyernes, gawas sa holidays.
Alayon niini, ipatuman usab ang simultaneous flashing sa traffic lights sugod alas 6:00 sa buntag hangtod alas 9:00 sa buntag sa dalan Velez-Fernandez, Velez-Chavez ug Velez-Abejuela.
Matud ni Uy nga nagtinguha nga masuta kung epektibo ang nasangpit nga lakang.

“..Sugdan na ang dry run sa the -No Left turn policy sa Masterson Avenue labi na dihang dapit sa West City Central School. Karung Pebrero 5, No left turn policy dinha sa Masterson Avenue sa West City Central School. Kung epektibo atong ipadayun..”
Mayor Rolando “Klarex” Uy

SOURCE: CIO
Photo: Cagayan de Oro City Information Office