Venezuela, kasamtangang ana-a sa kontrol ni Trump!
LIBOAN ka individual ang nagprotesta sa central Athens, nga gi-organisar sa Socialist Workers Party ug uban pang grupo!
Human sa pag-atake sa Amerika sa Venezuela ug pagdakop ug pagdala kang President Nicolas Maduro niadtong Enero 3, 2026.
Nagbaktas ang protesters paingon sa American Embassy, dungan sa pagsunog sa usa ka flag sa US, pagsinggit og slogan batok sa foreign policy sa Amerika ug naghupot og banner-nga nanawagan og “solidarity” sa katawhan sa Venezuela.
Hisayran, gidala si Maduro sa New York City aron gitakdang mo-atubang sa korte, kalabot sa mga kasong narco-terrorism nga gipasaka batok kaniya.
Una nang gibutyag ni US President Donald Trump, nga temporaryo ipailawom ang Venezuela sa kontrol niini, taliwala sa pagsiguro sa opisyal sa Venezuela nga padayong makigbatok.
Samtang gibutyag ni Spanish Prime Minister Pedro Sánchez dili ilhon sa nasud ang bisan unsang intervention sa US sa Venezuela tungod nakalapas kini sa international law.
SOURCE: NEWS5/CNN NEWS
Photo: Bombo Radyo
