Produksyon sa sili sa Pilipinas, planong patas-an sa DA!
PATAS-AN sa Department of Agriculture kon DA ang produksyon sa sili sa Pilipinas karong tuiga!
Tungod sa kanunay’ng pagtaas sa presyo panahon sa ting-ulan.
Magmugna ang DA og baseline numbers alang sa konsumo sa national ug Metro Manila, kasamtangang output ug average matag ektarya.
Matud ni Agriculture Secretary Francisco Tiu Laurel Jr., nga ang kanunay’ng pagtaas sa presyo sa sili makabalda sa supply.
Gani, niadtong Setyembre, misaka sa 800 pesos ang presyo sa sili labuyo matag kilo tungod sa daotang lakat sa panahon.
Nagtinguha ang Kalihim nga mabag-o ang cycle pinaagi sa pagkaylap og datos, nga climate-resilient production.
SOURCE: GMA NEWS
Photo: Bombo Radyo
