Street Vendors sa Osmeña St. iplastar sa ciudad karong Byernes!
IPLASTAR sa ciudad karong Byernes ang mga Street Vendors sa Osmeña St.
Matud ni Night Market Committee Co-Chair Atty. Egay Uy nga dili sa JR Borja nga bahin magsugod apan sa Ramon Chavez.
Obserbaran usab nila ang pagpahimutang sa vendors ingon man ang pagpatuman sa gabayan.
Una nang wala gipabaligyaan ang Osmeña sugod niadtong Agosto 1 hangtud 7 ning tuiga.
“…human sa pagbukas sa Osmeña St karong petsa 8, amo nana silang iplastar sa daplin sa Osmeña dili na nato sirahan, pero dili na gyud dinhi sa JR Borja nga side kung dili didto na mag sugod sa Ramon Chaves padulong na didto sa highway, obserbahan nato kung aduna pa gihapon kasupakan nga mohuot gihapon ang dalan, mao man lage tagaan nimug isa ka metro ang mabilin sa dalan usa ka-metro nalang imbes tagaan nimug isa ka metro nga diha mamaligya nah murag gabalik-balik ba nga storya mura tag mga bata…”
Sunod nga hinabi-on ang vendors sa Guillermo St. ug Daumar St.
Aron masabatan sa vendors nga prebilihiyo lamang ang gihatag kanila.
“…usa na sa atong isunod dayon kay gi-meeting naman nato ning sa Osmeña atong gipasabot sa ila ngano, unsay rason, ug unsay epekto unya kung abrihan natong dalan sa Osmeña, ang isunod nato kaning sa Daumar kay lage mamatikdan nato nga imbes sa Daumar ra sila mag tungtung gihapon sa JR Borja unya diha sa Yacapin nag tapok mao nang ang Yacapin huot gihapon kaayo so isunod nato na sila sa paghinabi kung mahuman na ang sa Osmeña nga pag plastar kay para masabtan sab nila nga kaning gihatag sa ila prebilihiyo lamang…”
Night Market Committee Co-Chair Atty. Egay Uy.
SOURCE: SHV
Photo Source: SRLIVE
