Giingong 1 billion pesos investment sa GSIS sa online gambling platform, gika-alarma ni Hontiveros!
NAALARMA si Senate Deputy Minority Leader Risa Hontiveros sa giingong kapi’g one billion pesos nga pondo sa Government Service Insurance System kon GSIS ang gipuhunan sa online gambling platform!
Atol sa privilege speech, gikondenar ni Hontiveros ang giingong paggamit sa retirement money sa Filipinos.
Aron palapdan ang e-gaming industry.
Matud ni Hontiveros nga susamang adunay sumbanan sa reckless ug questionable nga investment decisions sa kasamtangang liderato sa GSIS.
Samtang gipahinumduman ang plenaryo kalabot sa preventive suspension nga gipahamtang kang GSIS General Manager Jose Arnulfo “Wick” Veloso ug laing unom ka opisyal.
Dumduman nga gisuspenso niadtong Hulyo silang Veloso ug laing unom ka opisyal.
Tungod sa pagpalit sa ahensya og 100 million preferred shares nga nagkantidad og 1.4 billion pesos sa Alternergy Holdings Corporations.
Diin gibutyag sa Ombudsman nga nakalapas sa 2022 GSIS Investment Policy Guidelines.
Samtang, mihimo og manifestation si Senate Committee on Games and Amusement Chairperson Senator Erwin Tulfo nga imbestigaran ang impormasyon nga gi-divulged ni Hontiveros.
SOURCE: ABS CBN NEWS/ GMA NEWS
Photo Source: GMA NEWS
