Lola, gi-itsa sa kalayo sa iyang mga kabanay sa Balingasag, Misamis Oriental!

GIKOMPIRMAR ni Balingasag Municipal Police Station Commander Police Major Theodoro de Oro ang insidente sa pag-itsa sa kalayo sa usa ka edara’ng babaye niadtong Agusto 26 ning tuiga sa Sitio Baga-ay Brgy. Baligawan, Balingasag Misamis Oriental!

Ang biktima giilang si Teofila Cabusas.

Matud ni Major de Oro nga ang apohan sa biktima nga si Crisanto ang nagmando sa paghimo sa krimen tungod sa iyang lantaw dautan’g tawo ang iyang lola.

“..iyang gi-mandoan ang iyang mga kauban nga kani si lola ato ning gitambog sa kalayo iyang gi-mando sa iyang mga kauban mao ng gina-claim niya nga leader siya siguro si lola di mo-uban sa ilahang buluhaton dili bali muapil si lola sa ilang sayaw-sayaw gani diri sa atong police station diri sulod sa selda ga sayaw-sayaw ni sila ga saludo-saludo ga ampo-ampo siguro si lola ang biktima dili siguro musabay sa ilahang mga istorya naa siguro gyuy personal grudge sa ilahang pamilya pod naka- istorya maning iyang mama nga maoy hinungdan sa ilang kalisud sa kinabuhi karon nga gibati..”

Balingasag Municipal Police Station Commander Police Major Theodoro de Oro

Giingong gi-claim ni Crisanto nga ang kalag ni Thomas Eugenio, lider sa Philippine Benevolent Christian Missionary kon PCBM anaa kaniya.

Ang pito ka mga suspect sa krimen nga pulos kabanay sa biktima detenado na sa Balingasag Municipal Police Station Detention Cell.