Pagkaunlod sa usa ka bangka sa Nigeria, gikahadlokang 64 ka tawo ang patay!
GIKAHADLOKANG 64 ka tawo ang patay!
Human sa pagkaunlod sa sakyanang pandagat sa suba sa Zamfara State sa northwest Nigeria.
Sakay sa kahoy nga bangka ang 70 ka mag-uuma nga na-unlod samtang naglawig paingon sa farmland nga duol sa Gummi City.
Gibutyag sa otoridad nga gilayon sila’ng nagpahigayon og rescue operations ug human sa tulo ka oras, unom ka survivors lamang ang ilang naluwas.
Padayon naningkamot ang emergency team sa pagpangita sa dugang survivors.
Hisayran nga kapi’g 900 ka mag-uuma ang nagsalig sa pagtabok sa suba matag adlaw aron maka-access sa ilang farmlands apan duha lamang ang available nga bangka, nga sagad moresulta sa overcrowding.
SOURCE: CNN NEWS
Photo Source: OKAY.NG
