Mikatag nga scoring sheet sa Mister Cagayan de Oro, padayong gi-imbestigaran sa organisasyon!

PADAYON pa’ng gi-imbestigaran sa Mister Cagayan de Oro Organization ang mahitungod sa mikatag nga dokumento nga naglangkob sa scoring sheet!
Diin usa sa candidate ang gihatagan og zero nga score sa character, partikular sa representante sa Barangay Camaman-an ning ciudad.
Matud ni Mister Cagayan de Oro Chief of Finance Rich Diaz nga padayon nila’ng gi-validate ang kredibilidad sa dokumento ug kung kinsa ang nagpagawas niini nga miresulta sa pagkatag sa social media.
Nanawagan usab kini sa mga tawo’ng nagpaluyo sa pagpakatag sa giingong peke’ng dokumento.

“..under validation pa nato kung kinsa ang nagpagawas niini. Sa tinuod lang dili pa kana ang tinuod nga score nila kay before gihan-ay sa mga judges, gi validate pa kana ug gina correct kana. Ang pangutana kung kinsa nagpagawas ana nga dokumentoha kay ang organisasyon kabalo kana ang mga candidates kung giunsa sila, dili mahimo nga ing ana ang answer sheet nga ihatag kanila kay aware gyud ang kabatan onan nga kandidato regarding niana. Siguro sa nagpagawas niini kung unsa man gyud imohang intention pagpakita pagpadaut sa organization palihog lang in a good way lang pod kay ang organization nagpaningkamot sa mga bata nga naghatag og higayon kanila so busa kato lang ginahangyo sa organizasyon kung naa moy kalagot, ka suko sa organization palihog ko direct us contact para masulba nato…”
Mister Cagayan de Oro Chief of Finance Rich Diaz

SOURCE: SBPSH
Photo: Facebook