LWUA hingpit nang mi-intervene sa COWD!
HINGPIT nang mi-intervene ang Local Water Utilities Administration kon LWUA sa Cagayan de Oro Water District kon COWD karung adlawa!
Alayon sa direktiba ni President Ferdinand Marcos Jr., aron sa pagtubag sa problema sa panubig sa dakbayan nunot sa payment dispute tali COWD ug COBI.
Base sa pamahayag ni LWUA Chair Ronnie Ong nga nagpahigayon sila og assessment sa sitwasyon sa COWD, ilabina sa nagkalain-laing paglapas nga naglangkob sa default ubos sa Financial Assistance Contract kon FAC una ang pag-take over sa COWD management.
Gi-appoint si Fermin Jarales nga bag-ong interim General Manager sa COWD, LWUA Engr. Antonio Ramirez isip Interim Board Chair , Atty. Noel Bacal, Atty. Don Kapunan ug Amelia dela Rosa isip Interim Board members.
Magpabilin ang Interim Board ug Interim General manager sa opisina sa COWD sulod sa unom ka bulan apan posibleng malugwayan kung dili masulbad ang problema.
Sa nahisgutang period, kinahanglang ilain ang incumbent Board of Directors ug incumbent General manager sa COWD nga mahimong i-assign sa Interim General Manager sa pipila ka mga katungdanan sa water district.
Samtang, matud ni Interim General Manager Jarales nga buot niining masayran sa katawhan sa dakbayan nga igo lamang nilang gipatuman ang balaod.
SOURCE: LWUA
Photo Source: SRLIVE
