Pahenante sa freezer van nga mibangga sa nakaparking nga wing van truck sa Barangay Puerto ning ciudad, dead-on-arrival!
DEAD on arrival ang pahinante sa freezer van nga mibangga sa nakaparking nga wing van sa Purok 7, Bae, Upper Puerto ning ciudad!
Giila ang pahenante’ng-patay nga si Jerry Cabusas, hingkod ang panuigon ug molupyo sa Gensan City, ug ang driver sa freezer van nga si Arnold Baranda ug residente sa Compostela Valley samtang giila ang driver sa Wing Van nga si Raymond Centro.
Base sa inisyal nga imbestigasyon gihawiran sa driver sa freezer van ang dagway ug kalit lamang nawad-an og control sa gimanehong sakyanan hinungdan nga mibangga sa nagparking nga wing van nga nagkarga og empty bottle sa lugar.
Naka-angkon ang pahinante ug driver sa freezer van og bun-og sa lawas samtang luwas ang driver ug helper sa wing van.
Matud ni COCPO-TEU Investigator On-Case Police Chief Master Sergeant Jun Rey Satur nga gipaabot nila ang nagkadaiyang agalon sa mga biktima alang sa proper disposition.
“…pag abot nako sa area ang akong nakuan didto is ang Wing Van nag parking lang beside sa road kay nag karga silag empty nga bottles dayon kani si Freezer Van maoy nakabangga sa likod nga bahin sa nakapark nga Wing Van, una niadto ko sa Sabal Hospital kay mao may giingon didto nga gidala didto ang driver sa Freezer Van pag abot nako sa Sabal Hospital gi-transfer sa Provincial mao nang nag dali pud ko ako pud gisundan sa Provincial og didto nahinabi nako ang driver sa Freezer Van matud pa niya ga-travers siya didto sa kurbada nga portion paubos padulong sa Puerto nga area nato kalit lang daw kaayo…”
COCPO-TEU Investigator On-Case Police Chief Master Sergeant Jun Rey Satur.
Hisayran nga kasamtangang nakakustodiya ang driver sa wing van sa COCPO-TEU.
SOURCE: SRLIVE
Photo Source: SRLIVE
