Patay nga napalgan’g naglutaw sa suba sa Brgy. Consolacion kagahapon, naila na!
NAILA na ang patay’ng naglutaw kagahapon sa suba sa Isla Delta, Brgy. Consolacion ning ciudad!
Biktima 63 anyos nga si Eddie Palma, residente sa Danatag, Baungon, Bukidnon.
Matud ni Jonas Sanchez, pag-umangkon sa biktima nga adunay deperensya sa pangutok si Palma ug mitabok sa suba niadtong Hulyo 4 ning tuiga.
Giabisohan matud pa kini nga dili modayon tungod sa kakusog sa ulan, apan namugos ang biktima gamit ang kawayan nga nakuha niini ug gihimo’ng tulay.
Nabali ang kawayan ug nakabuhi ang biktima nga miresulta sa pagka-anod.
“…naanud sa tubig kay nagtabok man siya nga baha. Naa na siya deperensiya sa iyang paghunahuna, wala may trabaho kay galakawlakaw siya. Gi badlong nga dili mutabok dawbi naa may kawayan, nagputol siyag kawayan, dawbi ang iyang gilatayan nga kawayan nabali man ang isa, nakabuhi siya naanud na dayun siya..”
Jonas Sanchez, pag-umangkon sa biktima
Hisayran nga napalgan kagahapon sa buntag ang patay’ng lawas nga buak ang ulo ug walay suot nga sapot.
SOURCE: #19 JMB
Photo: SR Files
