Kapulisan sa Valencia City, aduna’nay person’s of interest sa mipatay ug miputol sa ulo sa usa ka menor de edad!
ADUNA’NAY person’s of interest ang kapulisan sa Valencia City sa mipatay ug miputol sa ulo sa usa ka menor de edad nga babaye sa Purok 1, Sinait, Valencia City, Bukidnon!
Matud ni Bukidnon Police Provincial Office kon PPO Spokesperson Police Captain Shiela Joy Jangad nga pipila usab ka witness ang mitunga ug ipailawom sa re-validation.
Ipailawom usab sa otopsiya ang patay’ng lawas sa biktima aron masuta kung gilugos.
Samtang, nagtanyag ang lokal nga pangagamhanan sa ciudad og 200-thousand pesos sa makatudlo sa suspek.
“..Ang lawas sa biktima naa na sa purenarya and subject for autopsy na ang patay nga lawas so ang Valencia pug ga reward og 200,000 alang sa maka tudlo o naay impormasyon sa atong suspetsado sa nahitabong insidente sa atoang area, so naa na tay person of interest and naa na pud tay mga witnesses nga nag susi subject for revalidation pa ni atoang mga impormasyon but definetly naa nay person of interest, I cannot confirm nga gilugos ang biktima kay ang atoang autopsy wala pa man nigawas ang resulta sa atong autopsy so as soon as possible if naa na tay resulta sa autopsy atoa ng isay-say ang tinuod gyud nga nahitabo sa incident..”
Bukidnon-PPO Spokesperson Police Captain Shiela Joy Jangad.
Hisayran, nga missing ang biktima pipila ka adlaw ug napalgan sa tubohan nga putol ang ulo.
SOURCE: P.I/#8
PHOTO: Strong Radio
