Budget sa NFA sa palay procurement, dili igo sigun sa mga mag-uuma!
DILI igo ang budget sa National Food Authority kon NFA sa palay procurement aron ma-impluwensyahan ang farmgate prices ug masuportaran ang mga mag-uuma!
Samtang gi-welcome sa Samahang Industriya ng Agrikultura kon SINAG ang lakang sa NFA nga patas-an ang buying price sa palay ngadto 30-pesos ug doblehon ang volume sa paliton sa mga mauuma, dili igo ang 9 billion pesos sa procurement.
Matud ni SINAG executive director Jayson Cainglet nga kung gipatas-an ang presyo sa matag kilo apan walay katumbas nga procurement budget increase, ang volume sa palay nga mapalit sa NFA magpabiling gamay kung itandi sa kinatibok-ang produksyon.
Buot sa SINAG nga ang pinakabag-ong procurement intervention sa NFA mo-cover sa atleast dies-porsyento sa total palay harvets sa nasud aron maka-impuwensya sa farmgate prices.
Samtang, positibo ang Department of Agriculture kon DA nga ang higher buying price ug expanded volume ceiling makatabang sa kita sa mga mag-uuma ug rice stocks sa nasud panahon sa El Niño.
SOURCE: GMA NEWS
PHOTO: BOMBO
