31 kilos nga karne, nakumpiskar sa mga personahe sa CEEBDA!
MOABOT sa 31 kilos nga karne ang nakumpiskar sa mga personahe sa City Economic Enterprise and Business Development Administration kon CEEBDA ug City Veterinary Office kon CVO!
Atol sa ilang regular nga monitoring ug inspection activity sa kamerkaduhan partikular na sa Cogon.
Gipasabot ni CEEBDA General Manager Jocelyn Peñalosa kauban ni Dr. Daryl Rasay, assistant dep’t manager sa City Vet nga dili maayo ang pag-handle sa karne tungod gibutang lamang kini abay sa mga lamang-loob ug posibleng adunay kontaminasyon.
Alayon niini, subling gipahinumduman sa CEEBDA ug City Vet ang mga meat vendors mahitungod sa hustong pagdumala ug pag-andam sa karne aron malikayan ang cross-contamination.
Samtang gipadayag ni Peñalosa nga magpadayon ang CEEBDA uban sa City Veterinary Office nga palig-onon ang food safety measures sa mga kamerkaduhan aron masiguro nga limpiyo ug luwas ang mga produktong karne nga mapalit sa mga konsumidor
SOURCE:CIO
PHOTO:CIO
