US government, gireklamo sa Catholic diocese!
GIREKLAMO sa Catholic Archdiocese of St. Louis ang federal government sa Amerika!
Giakusaran nga gihikawan ang mga piniriso sa immigration detention facility sa Missouri sa katungod nga makighinabi og pribado sa mga pari o modawat og sakramento sama sa communion ug confession.
Base sa reklamo, gitugotan lamang ang mga pari nga makabisita sa piniriso sa Saint Genevieve County Jail atol sa four-hour window matag Lunes ug makahinabi pinaagi sa telephone handset nga adunay glass partition.
Gipamugos usab sa mga pari nga kulang sa privacy ang pagbisita hinungdan nga mabalada ang ilang ministering duties.
Sa website sa Immigration and Customs Enforcement, giklaro nga gitugotan ang mga pari nga mobisita sa mga piniriso sa bisan unsang oras kung gipahibalo ang sherrif’s office.
SOURCE: GMA NEWS
PHOTO: REUTERS
