Kampo ni VP Sara namahayag nga ang pag-atras sa tulo ka articles of impeachment nagpasabot nga walay basehan ang alegasyon!

GIBUTYAG sa kampo ni Vice President Sara Duterte nga ang pag-atras sa prosecution sa tulo ka articles of impeachment kagahapong adlawa, usa ka pag-angkon nga ang alegasyon nga gibato walay basehan sa sinugdanan pa lamang!
Kini ang gibutyag ni Duterte Spokesperson Atty. Salvador Paolo Panelo Jr.
Gidugang ni Panelo nga usa usab kini ka injustice ug denial sa due process tungod gihikawan sa oportunidad ang Bise Presidente nga atubangon ang pasangil ug morepresentar og countervailing evidence sa eksaktong forum- ang Senate Impeachment Court.
Una nang gidawat sa Senate Impeachment Court ang lakang sa House prosecution panel nga i-withdraw ang tulo (3) sa upat (4) ka Articles of Impeachment batok Duterte.
Samtang, gibutyag ni Defense lead counsel Sheila Sison nga ang desisyon sa prosecution nga i-drop ang tulo (3) ka articles of impeachment, dili makaapekto sa presentasyon sa defense panel sa kaugalingong ebidensya.

SOURCE: GMA NEWS
PHOTO: BBC