Bug-at nga multa batok sa mga colorum nga sakyanan sa ciudad, ipatuman sa Oktobre!

IPATUMAN ang mas bug-at nga multa batok sa mga colorum nga sakyanan sa ciudad sa umaabot Oktobre!
Kini ang gibutyag ni Committee on Public Utilities Chair Councilor Eric Salcedo human giingong midaghan ang mga colorum nga sakyanan nga nakadugang sa kahuot sa dagan sa trapiko sa dakbayan.
Matud ni Salcedo nga kasamtangang ana-a pa sa committee level ang planong pag-amyendar sa City ordinance batok sa mga colorum, nga naglakip sa mga side car, bao-bao ug motorela.
Lakip usab sa mga pagbag-o nga himoon sa ordinansa ang pag-impound sa mga sakyanan nga makit-ang nag-operate nga colorum.
Malaumon ang Konsehal nga pinaagi niini mapakgang ang pagdagsa sa mga colorum ug makunhoran ang problema sa dagan sa trapiko sa ciudad.

SOURCE: CITYCOUNCIL
Photo: CDODev.Com