Posibleng Epekto sa El Niño Gipangandaman sa lokal nga pangagamhanan sa ciudad!

GIPANGANDAMAN sa lokal nga pangagamhanan sa ciudad ang posibleng epekto sa El Niño!
Pinaagi sa pagpahigayon og inisyal nga panagtigom ug resource assessment ang administrasyon ni Mayor Klarex Uy kauban sa mga key offices sa City Hall.
Sa panagtigom sa mga buhatan nga gipasiugdahan sa City Disaster Risk Reduction and Management Department kon CDRRMD nga gipangulohan ni CDRRMD acting department manager Nick Jabagat, gihisgotan na niini ang posible nga resource allocation ug mga pamaagi aron makibhangan ug matabangan katawhan ilabina ang sektor sa mag-uuma sa kadaut nga epekto sa El Nino.
Gani man, lakip sa mga dakong hisgotanan sa umaabot nga DRRM council meeting ang pagpangandam sa El Nino nga moigo sa syudad sa umaabot nga mga bulan.
Lakip sa mitambong sa panagtigom ang City Health Office, City Agriculture Office, City Information Office, City Engineering Office, City Social Welfare and Development Department ug City Mayor’s Office.
Sa pinakaulahing datos sa PAGASA, gikatahong masinati sa nasud lakip sa Cagayan de Oro ang “dry condition” sugod sa bulan sa Nobyembre ug molungtad kini hangtud sa 1st quarter sa 2027 diin masinati na gayud ang hulaw (drought) ug dry spell.

SOURCE: CIO
PHOTO: CIO