4ID Philippine Army nag-deployed og tropa alang sa BARMM parliamentary elections!
NAG-DEPLOYED ang 4th Infantry Diamond Division Philippine Army og tropa!
Aron motabang sa pagsiguro sa luwas, malinawon, ug hapsay nga pagpahigayon sa parliamentary elections sa Bangsamoro Autonomous Region in Muslim Mindanao kon BARMM karong adlawa.
Naggikan ang tropa sa 29th ug 30th Infantry Battalions kon IB.
Gi-deploy ang 29-IB sa Barangay Sagunsungan, Marawi City samtang ang 30-IB sa Tubod, Lanao del Norte.
Una nang gi-deployed sa 4ID ang 75th Infantry Battalion niadtong Hulyo 15 ug naka-stationed sa Hill 150, Barangay Meta, Datu Unsay, Maguindanao del Sur, samtang ang 3rd Special Forces Battalion gi-deployed Setyembre 2 sa Headquarters sa 2nd Mechanized Infantry Brigade sa Barangay Ma. Cristina, Iligan City, Lanao del Norte kauban ang usa (1) ka Armor Platoon nga nagdala og upat (4) ka Wheeled Armored Vehicles kon WAVs.
Kabahin ang deployment sa padayong suporta sa Philippine Army sa national government ug concerned agencies aron ma-mentenar ang peace and security sa dili pa, atol ug human sa eleksyon.
SOURCE: 4IDFB
Photo: 4th Infantry “Diamond” Division, Philippine Army
