LGU-CDO giila nga National Awardee sa Most Healthy Workplace Program!

GIILA ang lokal nga pangagamhanan sa ciudad isip National Awardee sa Most Healthy Workplace Program!
Alang sa unang hugna sa paghatag sa pasidungog sa 2026.
Ang pag-ila resulta sa panagtimbayayong sa City Health Office kon CHO, Department of Health kon DOH, ug sa tibuok burukrasya sa City Hall sa pagpatuman sa mga programa nga nagtumong sa pagpalambo sa pisikal ug mental nga kahimsog ug kinatibuk-ang kaayohan sa mga empleyado.
Ang National Healthy Workplace Program Award naghatag og pag-ila sa mga opisina sa gobyerno nga malampusong nagpatuman og komprehensibong mga programa alang sa kahimsog, luwas, ug kaayohan sa mga empleyado sa trabahoan.
Ubos sa programa, pito (7) ka prayoridad ang gi-evaluate.
Gilangkuban sa diet ug ehersisyo, environmental health, immunization, substance use, mental health, sexual ug reproductive health, ug violence ug injury prevention.

SOURCE: CIO FB
PHOTO: CIO FB