Pamilya sa tulo ka menor de edad nga nalatayan-patay og truck sa Damulog Bukidnon, dili na mopasaka og kaso batok driver!

DILI na mopasaka og kaso batok driver ang pamilya sa tulo (3) ka menor de edad nga nalatayan-patay sa truck sa Purok 1 Barangay Anggaan, Damulog Bukidnon!
Human nagkasabot ang duha ka panig.
Matud ni Damulog Municipal Police Station Chief of Police- Police Captain Marlon Subrian nga nagkasabot ang duha ka panig nga abagahon sa driver sa truck ang galastuhon sa pagpahiluna sa mga biktima.

“..Booth parties nagka amicable settlement sa sila, ang atoang biktima, nagkasinabot na sila nga katong driver, mo shoulder sa ilang base ra sa ilang sabot, magkaila ra pud sila nga soud nga pamilya..”
Damulog Municipal Police Station Chief of Police- Police Captain Marlon Subrian

Una niini, base sa inisyal nga imbestigasyon nga managlahi ang direksyon sa truck nga adunay karga nga tubu ug motorsiklo nga gimaneho sa 16 anyos ug angkas ang 13 ug 10 anyos.
Pag-abot sa nahitaboan sa insidente, nawad-an og control ang motorsiklista hinungdan nga nabangga sa walang bahin sa truck.
Tungod sa impact, nalabay paingon sa ilawom sa truck ang tulo ka menor de edad ug nalatayan.
Matud ni Bukidnon PPO Spokesperson Police Captain Sheila Joy Jangad nga nakaangkon sa grabeng samad sa ulo ang mga biktima.
Nadala sa hospital apan gi-deklarang dead on arrival.

“..Pag abot didto sa place of incident kining atoang motorcycle nawalaan kini og control ugh ning bangga kini siya sa left side sa atong vehicle 1, so due sa impact kaning motorcycle ug ang mga sakay niini nalabay diadto sa ilalum sa truck ug na run over sa atong truck, naka sustain kini og civer nga mga head injuries after nahitabo ang insidente so gidala dayun sa MDRMO Damulog kaning atoang mga biktima but declared dead on arrival kini siya..”
Bukidnon PPO Spokesperson Police Captain Sheila Joy Jangad

SOURCE: P.I/#27
PHOTO: Inquirer