Pagbaligya og Frozen Meat sa Cogon ug Carmen Market, gidili!
GIPAHUNONG sa City Veterinary Office ang mga vendor sa pagbaligya og frozen meat sa Cogon ug Carmen Market!
Human wala nakasunod sa mga rekisitos.
Moabot sa 384 kilo ka imported frozen pork meat ang nakumpiskar sa hiniusang pwersa sa City Vet, national Meat Inspection Service kon NMIS ug City Health Office kon CHO atol sa gihimong Joint Meat Safety Inspection sa Cogon Market karong adlawa.
Lakip sa nakumpiskar ang 27 ka kilo nga local fresh pork meat ug 39 kilo chicken meat tungod sa dili eksakto nga meat handling ug storage ingon man pagbaligya og imported frozen meat products nga wala ang gi-required nga cold storage facilities.
Matud ni City Vet. Head Dr. Helenn Ann Tacandong nga base sa Administrative Order No. 06, Series of 2012 sa Department of Agriculture kon (DA) ang frozen nga karne kinahanglan ibutang sa temperature nga 0°C o mas ubos pa ug ibaligya lamang gikan sa mga aprobadong freezer unit.
Samtang ang karne nga natunaw na (thawed meat) kinahanglan ibutang sa temperature nga 5°C o mas ubos pa sa hustong kondisyon nga kontrolado ang temperature.
SOURCE: CIO
PHOTO: PIA-10
