James Graham, nakurat sa pagkatag sa tinuod nga pagkatawo!
WALA sa plano ni former Sparkle contract artist nga si James Graham ang pag-come out isip myembro sa LGBTQUIA+ community sa publiko!
Hinungdan nga nakurat kini nga mikatag sa social media nga mi-angkon kini sa tinuod nga pagkatawo, taliwala nga dili pa kini andam nga ipaambit sa publiko.
Nag-ugat kini sa usa ka Tiktok video ni James nga babaye na ang hitsura ug gi-lip-sync ang kantang “The Sign” sa Ace of Base.
Naka-embed sa video ang mensahe nga “Start the new life you always wanted”.
Daghan ang nagtuo nga kini ang official announcement sa “coming out” sa kanhing actor.
Saysay ni James nga ang account nga gigamit niini nga nagpakita sa tinuod nga pagkatawo alang lamang kaniya ug sa mga suod nga higala nga nahibalo sa kamatuoran.
Apan wala kini nagdahom nga mag-blow up.
Matud ni James nga mga Mayo kini mi-angkon sa mga higala ug pamilya tungod gikapoy na kini nga magpakarong-ingnon.
SOURCE: PEP.PH
Photo: PEP.ph
