Halal certification ma-access na sa MSME’s sa Northern Mindanao!
MAHIMO nang ma-access sa micro, small and medium enterprises kon MSME’s sa Northen Mindanao ang halal certification!
Tungod gipaduol na kini human gibuksan ang satellite office sa FIQH ug Halal Council of the Philippines Inc. kon FHCP sa Oro Chamber Development Centre.
Lauman ang bag-ong opisina nga makapakunhod sa gasto sa biyahe ug oras sa pagproseso alang sa patigayon nga nagtinguha og halal certification.
Pinaagi sa paghatag og local access sa certification services nga kaniadto available lamang gawas sa rehiyon.
Matud ni DTI Misamis Oriental Provincial Halal Coordinator Melanie Legara nga ang presensiya sa halal certifying body sa Northern Mindanao makatabang sa daghang enterprises nga makabaton og internationally recognized halal certification.
Butang nga sagad gikinahanglan sa mga pumapalit gikan sa mga nasud nga kadaghanan sa populasyon mga kaigsuonang Muslim.
SOURCE: PIA-10
PHOTO: PIA-10
