Grupo sa taxi drivers sa ciudad, supak sa pagsulod sa e-taxis!
SUPAK ang grupo sa mga taxi drivers sa ciudad!
Kabahin sa planong pagpasulod sa major company nga nagtinguha sa pag-operate og electric vehicle taxis sa dakbayan.
Gitakdang magduso og petition ang Cagayan de Oro First Taxi Drivers Alliance kon CAFITADA sa Land Transportation Franchising and Regulatory Board kon LTFRB-10 aron mapugngan ang planong operasyon.
Gipunto sa grupo nga buot nilang maklaro ang issue.
Matud ni CAFITADA President Bernie Jamaca nga wala gikonsulta ang grupo kabahin sa langyaw nga korporasyon gikan sa Vietnam nga magpadagan og mga sakyanan sa ciudad ug rehiyon.
Giingong plano sa kompanya nga magdeploy og 300 ka electric vehicle taxis, nga maka-compete sa kapig 2-mil ka registered taxis nga nag-operate sa dakbayan.
Apan giklaro sa grupo nga dili supak sa paggamit og electric vehicles ug gani suportado nila ang Electric Vehicle Industry Development kon EVIDA.
SOURCE: GMA NEWS
Photo: MAPS
