DOH-10 mi-aghat nga suportaran ang National Deworming Program karong bulana!
GI-AGHAT sa Department of Health kon DOH-10 ang mga ginikanan ug tig-atiman, mga tunghaan ug sakop sa komunidad nga suportaran ang National Deworming Program karong bulana!
Gibutyag sa buhatan nga ang deworming o pagpurga usa ka luwas, epektibo, ug kasaligan nga pamaagi sa pagpanalipod sa mga bata batok sa mga intestinal worm.
Ugaling dili matambalan ang impeksyon sa worm mahimo kining hinungdan sa kakulangon sa nutrisyon, nalangan nga pagtubo, ug pagkunhod sa abilidad sa bata sa pagkat-on ug pag-angkon og kahibalo.
Gidugang sa buhatan nga adunay pipila ka mga bata nga mahimong makasinati og ginagmay ug temporaryong side effects sama sa pagsakit sa tiyan, pagsuka, hilanat, pagkalibang, ug rashes sa panit. Kasagaran, dili kini seryoso o temporary lamang ug mawala pinaagi sa eksaktong pag-atiman.
Samtang, gi-aghat ang publiko nga mosalig lamang sa opisyal ug kasaligan nga source sa impormasyon.
SOURCE: DOH-X
PHOTO: DOH-X
