Pagtapus sa drainage master plan gipaningkamutan sigon ni Mayor Uy!

GIPANINGKAMUTAN sa lokal nga pangagamhanan sa ciudad nga matapus ang drainage master plan!
Kini ang usa sa nabutyag ni Mayor Rolando Uy atol sa paghatud niini sa ika-upat nga State of the City Address kon SOCA kaganihang buntag sa Plaza Divisoria.
Dungan sa pagsaulog sa Charter Day.
Matud ni Uy nga aron matun-an sa mga Engineers ug DPWH Engineers ang kasulbaran sa urban flooding.

“..Bahin sa problema usab sa baha, atong gipaningkamutan nga mahuman ang drainage master plan sa dakbayan aron ma studiohan pag ayo, sa atong mga engineers uban sa dpwh engineer ang kasulbaran aning urban flooding ang atong nahi-aguman kung adunay kusog nga mga pag ulan
City Mayor Rolando Uy

Samtang, gilakbitan ni Mayor Uy nga adunay natapus nga mga proyekto sa ciudad ug nagpadayon pa ang dugang 29 ka proyekto.
Gilangkuban sa kadalanan, drainage systems, public buildings, water supply system sa mga Barangay nga dili maabot sa water district ug street lightings ang atong nahiaguman

“..Sa tuig 2025 naa tay nahuman nga mga proyekto nga mikabat sa 126,169,727.87 ug samtang kamulo pa ang dugang nga 29 ka proyekto nga mikabat usab 200,587,981.44 sa first quarter
ning tuig 2026, naglangkob kini nga mga proyekto sa atong mga kadalanan drainage systems, public buildings, water supply system, sa atong mga barangay nga dili maabot sa atong water district sa dakbayan, mga street lightning, kini tanan nga supporta para sa maayong paglihok lihok og dali ug paspas nga paghatag sa batakang serbisyo ngadto sa katawhan dili lang sa sentro ingon man sa hilit nga kabarangayan sa atong dakbayan..”
City Mayor Rolando Uy

SOURCE: CIO FB
PHOTO: CIO FB