Batan-ong lalaki nga napalgang patay sa Kalilangan Bukidnon, naka-angkon og duha ka samad-pinusilan!
DUHA ka samad pinusilan ang na-angkon sa usa ka batan-ong lalaki nga napalgang patay sa usa kasagbotan sa Sitio Forchacu IV, Barangay Malinao, Kalilangan Bukidnon, kaganihang buntag!
Biktima giila nga si Reymart Jay Akut Guillano, 19-anyos, residente sa Barangay Dominorig, Talakag, Bukidnon.
Base sa initial nga imbestigasyon nga ulahing nakita ang biktima alas 9 sa gabii giingong milakaw ang biktima kauban ang wala mailang individual, sakay sa single motor ug napalgan na lamang nga patay pagkabuntag.
Matud ni Kalilangan Municipal Police Station Chief of Police Police Captain Teresita Manejero nga padayong blangko ang Kapulisan sa identity sa individual nga gi-ubanan sa biktima.
“..Alas 9 sa gabii mao toy last nga nakita siya, niangkas siya atong tao, single motor cycle then pagka utang mao na dayun siya nakaplagan siya, the moment on going pa ang investigation among gina identify ug gapangita og witness Sir kung kinsa nakaila atong iyang gisakyan nga motor, ang naka sad to say lang kay negative ang cctv didto sa area kay bukid naman gud kaayo na, sa pagkakaron ongoing pa gyud and then ang result, ang soco, wala pa pud nila gipagawas..”
Kalilangan Municipal Police Station Chief of Police Police Captain Teresita Manejero
SOURCE: #19
PHOTO: CTTO
