Kongresista sa Northern Mindanao nga mi-pabor sa impeachment complaint batok VP Sara, ubay-ubay!

UBAY-UBAY ka Kongresista sa Northern Mindanao o region 10 ang giingong mibotar og “Yes” o pabor sa impeachment complaint batok Vice President Sara Duterte!

Gilangkuban nilang;

• Cagayan de Oro 1st District Rep. Lordan Suan
• Cagayan de Oro 2nd District Rep. Rufus Rodriguez
• Misamis Oriental 1st District Rep. Karren Lagbas
• Misamis Oriental 2nd District Rep. Bambi Emano
• Abamin-Partylist Rep. Maxie Rodriguez
• Iligan City Rep. Celso Regencia
• Misamis Occidental 1st District Rep. Jason Almonte
• Misamis Occidental 2nd District Rep. Sancho Oaminal
• Camiguin Rep. Jurdin Jesus Romualdo
• Lanao del Norte 1st District Rep. Imelda Dimaporo

Mibotar og “No” si Bukidnon 4th District Rep. Laarni Lavin Roque ug abstained silang Bukidnon 2nd District Rep. Jonathan Keith Flores ug Bukidnon 3rd District Rep. Audrey Kay Zubiri.
Pagpasabot ni Zubiri nga aron dili ma-prejudice ang independent judgement sa kapikas nga si Senator Juan Miguel Zubiri, nga magsilbing senator judge sa impeachment court

“…I chose to abstain from voting. So as not to prejudice or preempt the independent judgment of my husband, Senator Juan Miguel Zubiri, who will be serving as a senator judge in the impeachment court…”
Bukidnon 3rd District Rep. Audrey Kay Zubiri

Absent sa pagboto silang Bukidnon 1st District Rep. Jose Manuel Albaug Swerte Partylist Rep. Arlyn Ayon.

Sa laing bahin giklaro ni Misamis Oriental 1st District Representative Karen Lagbas ang pagboto og “yes” sa impeachment complaint batok Vice President Sara Duterte!
Sa upat ka pahina nga pamahayag, nangayog pasaylo ang Kongresista sa mga nasakitan sa nahimong desisyon.
Matud ni Lagbas nga mipabor kini sa impeachment tungod buot niini nga matapos ang tanang issue nga gi-atubang ni Vice President Sara Duterte ug matubag ang tanang alegasyon.
Samtang, gikumpirmar ni Misamis Oriental 2ND District Rep. Bambi Emano Chief of Staff Matthew Vallecer nga mipabor ang magbabalaod sa impeachment batok VP Sara.
Pagpasabot ni Vallecer nga mipabor ang Kongresista tungod sa prinsipyo sa accountability.

“…Yes siya tungod sa principle sa accountability nga kita tanan, magamay, mabarangay-kapitan, barangay kagawad paingon sa pinakadako nga posisyon sa atong nasud, accountable man ta sa public. Kung didto sa senado during trial, kung unsay makita didto sa ebidensya, ang mga senador man maoy maghukum sa impeachable officer kung guilty ba o naa ba siyay salaod na nabuhat…”
Misamis Oriental 2nd District Rep. Bambi Emano Chief of Staff Matthew Vallecer

SOURCE: HOR/P.I JESSEL/CDODEV.COM
Photo: SR Files