Listahan sa mga mag-uuma nga gagamit og makinarya sa rehiyon, gi-finalized na sa Municipal Agriculture!

GI-FINALIZED sa mga Municipal Agriculture ang listahan sa mga mag-uuma nga gagamit og makinarya sa rehiyon!
Alang sa i-apod-apod nga fuel subsidy.
Matud ni DA-10 Regional Executive Director Apollo Pacamalan nga makatabang kini aron makulangan ang galastuhon sa gasolina.

“..Hinabang karon ang atong Municipal Agriculture, naga finalize sa mga listahan sa mga mag uuma, gagamit ug makinarya aron adunay ipang apod-apod nga fuel subsidy nga dili sad kaayu dako pero ba naman lang pantawid panahon aron makulangan kini ilang gitawag nga panginahanglanon nga gastuhon sa mga gasolina, pananglitan katong adunay mga makinarya, gadaro nga mga organisasyon nga adunay gihatag namo nga traktura aduna sad miy gipang apod-apod karun bulana para sa in preparation sa pagtanom usab aron ang mga makinarya gamiton gamit ang krudo ug gasolina, aduna usahay mupalit–kini mukaba kini ug dosmil kapin, kulang noh? ngadto sa singkomil, atong pang bana-banaon tungod kay nagdagan usab ang mag uuma nga karon nanginahanglan niana nga supporta..”
DA-10 Regional Executive Director Apollo Pacamalan

Mo-abot sa 268-thousand ka mag-uuma nga rehistrado sa RSBSA ang i-validate.
Target sa buhatan nga sa dili pa mahuman ang Abril masugdan ang pag-apod apod sa tabang.

“..Dinhi sa ato aduna tay mga 268 thousand ka mga mag-uuma nga rehistrado sa RSPSA apan kini ato sang kalimpyuhan usab kay sa kaniadto duna man say mag-uuma nga dili na ga-uma kay ila nang nabaligya o na prinda o kaha duna nay bag-o namalit og yuta nga ilang gi-uma. So kabahin kini sa gaisubmit na mga listahan sa atong municipal agriculture, katong pag validate og kining actual ba ga-uma ug actual ba usab gagamit na usab og mga makinarya pag-andam sa ilang kaumahan. Target nato nga dili mahuman karong abril makasugod na, in fact since last week nakipag meeting na kita sa municipal ug provincial pinaagi sa atong mga focal person sa rice, corn, ug sugar cane aron nga ma identify na kinsa kini na mga mag-uuma. Naa say kwalipikasyon no kadtong mo dawat og dos mil ngadto sa dose mil singko, katong mga mag-uuma nga naa sa humay, mais, ug sugar cane. Lain usab katong 5 thousand nga para usab sa mga hinabang lagi sa atong mga mag-uuma nga galisod tawon sa ilang pag-panguma tungod sa pag-taas sa presyo sa lana..”
DA-10 Regional Executive Director Apollo Pacamalan

SOURCE: P.I/#27
PHOTO: BOMBO