7-anyos nga batang lalaki nga na-missing sa Barangay Balulang ning ciudad, napalgan na!

NAPALGAN na ang patay’ng lawas sa 7-anyos nga batang lalaki nga na-missing!
Human gituohang nalumos sa riverside sa Barangay Balulang ning ciudad kahapong adlawa.
Naglutaw-lutaw ang biktima sa suba likod sa Police Station 1 Divisoria.
Usa ka motorsiklista ang nakakita sa bata ug gilayong mi-ambak sa tulay ug gihaw-as ang biktima gikan sa tubig.
Giingong gisulayan pag-CPR sa nakakita ang bata.
Gikumpirmar kini sa pamilya sa biktima.
Matud sa amahan sa biktima nga si Dan Gabriel Parreño nga giingong dili unta mokuyog ang bata sa inahan apan giingong gipugos kini.
Gani nag-away pa sila sa kanhing kapikas ug gi-akusaran kini nga gi-brainwash niini ang bata.
Gibutyag usab ni Parreño nga gipasidan-an ang kanhing kapikas sa step-father nga dili maligo tungod wala pa sukad nahitabo nga walay gikuha sa nahisgotang suba.
Apan nananghid kini nga igo lamang magpahangin.

“..Kani siya dili man unta na mo anhi dinhi di sya gusto sa balulang gipugos man sa iyang mama nga ipa adto, nag away pa mi sa iyang mama, ngano kunong dili mo duol ang bata sa iya, gina brain wash ba daw nako, hag-as ba nako gina brain wash, nag bulag naman gud mi anah pila na ka months, 31 man siguro o 1 to niya nakuha ang bata, ang bata pag kuha niya sa iya dili gusto mo uban sa iya, gipugos lang gyud og uban unya kato dayung gahapon dayun giingnan siya sa iyang step father nga dili mo adto og suba, kay wala pa daw nay nakuha nga suba karon nga tuig, ang gi ingon sa iya nga mag pa hangin ra daw, ingon sya nga kamo gahi kaayo mog ulo, pag abot daw kuno sa area kay ang mga igsuoon niya iyang bayaw unya mga bata dayun unya ang bata naligo na, nilakaw daw kuno sya kay naa ba toy gikuha or gipalit, iyang gipa bilin sa iyang igsoon, mga 30, wala na mabantaye kay sigeg cellphone..”
Dan Gabriel Parreño

SOURCE: SBSU
PHOTO: Strong Radio