Siyam ka gasoline station sa ciudad, nasutang adunay paglapas!

SIYAM ka gasoline station sa ciudad ang nasuta nga adunay kalapasan!
Human sa gipahigayong joint inspection sa Department of Energy kon DOE, kauban ang City Price Coordinating Council niadtong Marso 11, 2026.
Gilangkoban sa walo ka independent player ug usa sa big three supplier.
Matud ni CPCC Chair Atty. Egay Uy nga duha ka gasoline station, nasuta nga walay certificate of compliance kon COC gikan sa DOE, duha expired ang COC samtang ang lima gitakdang i-review ang presyo sa gibaligyang produkto sa petrolyo tungod susamang adunay kalapasan sa gipatumang usbaw.

“…sigun sa record nga atong nakita, 9 ka Gasoline Station, 8 ka independent player, 1 ka katong Big 3, nasusi dunay mga kalapasan nakita. Sa 2 nga wala gyud silay Certificate of Compliance nga gikan sa DOE, naay 2 nga expired ang ilang Certificate of Compliance, naa say 5 nga ang ilang presyo subject to review sa Legal Department sa DOE kay murag dunay kalapasan. So gipang issuehan ni sila og inspection report dayun mufollow ang show cause order sa ila…”
CPCC Chair Atty. Egay Uy

SOURCE:SBPSH
Photo: southernminn.com