Senior citizen nga na-missing kagahapong adlawa sa Carmen River, napalgan na!
NAPALGAN na ang lawas sa usa ka senior citizen nga na-missing sa Macanhan, Carmen River kagahapong adlawa sa suba sa Barangay 7 ning ciudad!
Matud sa nakakita ug naghaw-as sa lawas sa biktima nga kalit lamang mitunga ang lawas sa biktima sa tulay.
Hinungdan nga iya kining gisundan ug nakumpirmar nga patay.
“..Nitunga raman og kalit diha sa tunga sa tulay mao dayun to akong gisundan giapas nako gikuha nako sya, patay man, anah ang mga tao nga bitbita, dal-a sa gawas, naka black sya unya naka green, unya niburot..”
NAKAKITA
Ang tipik sa pamahayag sa nakakita sa lawas sa biktima.
GIHIMAKAK ni City Disaster Risk Reduction and Management Department kon CDRRMD Head Nick Jabagat ang alegasyon sa anak sa 60-anyos nga walay miresponde sa pagpangita sa amahan taliwala nga tulo na ka oras ang milabay sukad nawala ang biktima.
Matud ni Jabagat nga wala kini kamatuoran tungod kapin kon kulang alas 4 sa hapon nakadawat sila og tawag ug wala pay alas 5 gilayong naka-responde ang mga personahe.
“..Ang reklamo gyud is kanang walay nag respondi, katong giingon nilang dugay, pag received pagtawag 4: 48, wala pay alas singko naa na, kung hunahunaon gikan city hall paingon sa rotunda, nakasabot ta nga sa ilang kuan nga dapat 24 hours ang pag search ang atong hangyo lang pud, naa pud tay mga limitasyon..”
CDRRMD Head Nick Jabagat
SOURCE: SRLIVE
PHOTO: SRLIVE
