Price ceiling sa fare hike, gikwestyon sa NOMFEDTRASCO!
GIKWESTYON sa Northern Mindanao Federation of Transport Cooperative kon NOMFEDTRASCO ang gipagawas nga price ceiling sa Land Transportation Franchising and Regulatory Board kon LTFRB!
Alang sa usbaw sa pletehan.
Matud ni NOMFEDTRASCO CEO Luzminda Escobidal nga naglibog ang mga myembro ug commuters tungod ang unang gipagawas sa buhatan 20 percent ang usbaw apan adunay migawas nga 2.30 ug 2.40 ang increase.
Hinungdan ila kining gipaabot sa LTFRB-10 apan dili makatubag ang buhatan tungod paaboton pa niini ang memorandum circular gikan sa kauluhan.
“…Apan naglibog ang atong sumasakay, bisan kami naglibog kay ilang announcement kaganina nga ang succeeding is 20% increase from the original which is 244 then naa say mi gawas nga ilang press release 230 napud niya nana poy ni gawas nga 240. So, mao na karun nga gi adto kita sa regional office, dili sila maghatag pa karun og kuan tungod kay gusto nila mugawas gyud ang memorandum circular…”
NOMFEDTRASCO CEO Luzminda Escobidal
Samtang, gidawat na lamang sa buhatan ang usbaw nga ipatuman sa buhatan inay magpabilin sa kanhing pletehan.
“…Pero kitang mga transport wala gyud kitay mahimo, nagpasalamat nalang kita nga bisan og dili gyud lugar siya sufficient para sa amo, dawaton kana namo kaysa magpabilin kini atong pletehan karung panahona nga grabe na kaayo ka taas and pletehan. Murag gakalumos na gyud ang transport…”
NOMFEDTRASCO CEO Luzminda Escobidal
SOURCE: SBPSH
Photo: ABS-CBN
